Real Madridi ka thyer rekordin e tyre të mëparshëm prej 464 minutave pa shënuar gol në të gjitha kompeticionet gjatë ndeshjes mjaftë frustruese kundër Levantes.

Dështimi i ‘Los Blancos’ për të realizuar gjatë 56 minutave të parë kundër Levantes pasditen e sotme (e shtunë) bëri që ata të vendosin një rekord të ri në historinë e tyre për minutat pa gola të kaluar, transmeton portali arbresh.info.

Marco Asensio shënoi golin e fundit të kampioni evropian në minutën e 41′ të fitores së tyre 1 me 0 ndaj Espanyolit më 22 dhjetor.

Lexo edhe: Vazhdon kriza në Real Madrid, pesë ndeshje pa fitore

Që nga atëherë ata kanë dështuar për të gjetur rrjeten duke mos shënuar në disfatat e tyre kundër Sevillas, CSKA Moscow dhe Deportivo Alaves dhe në barazimin pa gola kundër rivalit lokal – Atletico Madridit.

Marco Asensio mendoi se ka shënuar gjatë pjesës së parë kundër Levantes, por goli i tij u anulua për shkak se u vlerësua se ishte shënuar nga një pozitë jashtë loje, ndërkohë që skuadra nën udhëheqjen e trajneri Julen Lopeteguit u largua nga fusha me përfundimin e kohës së rregullt të pjesës së parë me një disavantazh prej 2 me 0.

Pasi kaluan 11 minuta pa shënuar në pjesën e dytë, koha e tyre pa gola arriti në 465 duke tejkaluar rekordin e tyre të mëparshëm prej 464 minutave.

Marcelo ishte lojtari që theu këtë duke shënuar një gol të bukur për 2 me 1 në Bernabeu./arbresh.info/